.jpeg)
Mayang mangurai, mahias pinang
Sari merekah, di saban subuh
Alunakan
Assalamualaikum bemadihin satumat.
Waalaikumsalam kita jawab sanak kerabat
Kepada dewan juri yang sangat terhormat.
Para penonton, dan juga panitia tak lupa tersemat.
Lomba Madihin, se kabupaten Banjar ini Ulun umpat.
Ulun Berliano hari ini semangat
Manggalar Madihin tradisi taangkat
Sebelum jauh Madihin Ulun malangkah
Alangkah baiknya pantun awal di pacah
Pantun sabuting bakambang bunganya indah
Damintu Madihin aturan sudah di ulah
Mayang mangurai, mahias pinang
Sari merekah, di saban subuh
Seni dijagai, jangan sampai manghilang
Nang anum bapadah, nang tuha malabuh
Di zaman Gen Z ini nang serba digital.
Jangan sampai budaya kita tatinggal.
Apalagi, sampai tehapus total.
Budaya kita harusnya menjadi bekal.
Melestarikan seni budaya kita harus cangkal.
Ayo lakasi Nang anum bakajal
Generasi muda harus kita kawal.
Supaya kada jadi generasi Abal Abal.
era sekarang, maju banar teknologi
betakun apa haja tinggal chat jipiti
lebih khususnya bubuhan penggiat seni
Ada solusi supaya ttp dinikmati
Baulah konten tentang seni, supaya fyp
Lewat lantunan Madihin Kawa dikisahi
Mesjid Al karomah itu megah berdiri.
Datu kalampaian panutan sampai wahini
Kubah guru sekumpul menyejuk akan hati
Supaya konten kita tambah di berkahi
Mamuruk tapih di atas sampan.
Menggulung ketinggian, lalu di luluy akan.
Tarima kasih atas perhatian,
muuudahan kita, Kawa ma amal akan
Penulis & Pengarang Madihin: Andika Berliano Al-asmi NPM. : 25126506
Mahasiswa PS. PAI
Angkatan 2025
